Trajneri i Chelseas, Frank Lampard, nuk po ka sukses në krye të ekipit londinez. Numri një i stolit nuk po arrin t’i marrë më të mirën Wernerit dhe Havertzit që u blenë në merkaton e verës.
Dy yjet e merkatos nuk janë aty ku duhet, pa harruar dëmtimet e shpeshta të Hakim Ziyech. Lampard është vendosur nën kritika se nuk po aktivizon futbollistët në pozicionet e tyre dhe një prej tyre është dhe N’Golo Kante.
Mesfushori francez nuk po luan në pozicionin e tij natyral dhe nuk është i kënaqur me situatën. Interi e kërkon me ngulm në verë dhe po bën maksimumin për ta rrëmbyer. Kante nga krahu tjetër po e mendon seriozisht largimin nga blutë e Londrës.