Skënderbeu është skuadra me përqindjen më të lartë të saktësisë për sa i përket driblimeve. Mesfushori i Bylisit, Serxhio Ujka kryeson këtë sezon si lojtari më i mirë për sa i përket driblimit të kundërshtarëve. Në një vëzhgim të kryer nga FSHF-ja rezulton se bardhekuqtë së bashku me 22-vjeçarin e ballshiotëve janë në vendin e parë për sa i përket realizimit me sukses të driblimeve.
Nisur nga mesatarja e driblimeve për ndeshje, Kukësi kryeson me 38.4 driblime, ndërsa bardhekuqtë kanë saktësinë më të madhe (55%). Vllaznia, kryesuese e kampionatit ka përqindje saktësie të driblimit me 54.1.
Për sa i përket futbollistëve, Ujka ka saktësinë më të madhe të driblimeve (60.47%), ndërsa për sa i përket mesatares së driblimeve për 90 minuta, është mesfushori i avancuar i Kukësit, Albin Gashi që tenton më tepër driblime për ndeshje.