Më 25 nëntor të vitit 2017, Leo Mesi rinovoi kontratën me Barcelonën, e cila është e vlefshme deri në fund të këtij sezoni. Së fundmi janë zbuluar edhe shifrat faraonike që argjentinasi ka fituar me këtë kontratë 4-vjeçare.
Sipas “Mundo Deportivo”, sulmuesi ka fituar mbi 555 milionë euro nëpërmjet kësaj kontrate. Një shifër e frikshme kjo, e cila ka shtangur edhe vetë tifozët katalanas, të cilët ishin të shumtë, që në rrjetet sociale kanë reaguar kundër argjentinasit.
Akordi i nënshkruar parashikon një rrogë sezonale prej 139 milionë eurosh për lojtarin. Shifra të frikshme këto të fituara nga Mesi që sigurisht kanë ndikuar edhe në krizën që tani është duke kaluar klubi katalanas.
