Inter-Juventus që tani i ka arritur rekordet: në pritje që zikaltërit dhe bardhezinjtë të ndeshen në fushën e lojës, për një ndeshje delikate dhe vendimtare, si për garën e titullit ashtu edhe për atë të Champions League, “San Siro” garanton se do të jetë i mbushur plot.
Janë shitur të gjitha biletat dhe do të ketë 78.328 tifozë, për të ardhura totale që shkon në 5 milionë euro dhe që përfaqëson një rekord të ri në Serie A. Lajmin e ka bërë të ditur klubi interist me një “tweet”.
“Me 78.328 shikues, Inter-Juventus do ta mbushë stadiumin plot. Më shumë se 5 milionë euro të ardhura, një rekord për futbollin italian. Faleminderit tifozë të Inter,” – ka shkruar klubi zikaltërt në “Twitter”.
Në këtë mënyrë, supersfida e Serie A ka thyer rekordin me 4.8 milionë euro të arkëtuara, gjithmonë ndaj Inter, për ndeshjen derbin ndaj Milan.
Con 78.328 spettatori #InterJuventus è sold out! 🙌
Oltre 5 milioni di incasso, record assoluto per il calcio italiano.
Grazie #InterFans, #forzaInter! ⚫️🔵
— Inter (@Inter) April 26, 2018
