Frank Lampard hap dyert për largimin e mundshëm në huazim të Fikayo Tomori.
Ndër surprizat e sezonit të kaluar, mbrojtësi qendror i datëlindjes 1997 ka gjetur shumë pak hapësirë te Chelsea këtë vit (deri më tani vetëm 4 paraqitje) dhe kështu mund të shkojë për të grumbulluar përvojë diku tjetër deri në fund të kampionatit.
“Situata e Fikayo është ende e hapur për momentin, ekziston mundësia që ai të largohet në huazim për të pasur më shumë kohë. Kjo do të ishte zgjidhja më e mirë për të dhe për klubin”, ishin fjalët e trajnerit anglez në konferencën për shtyp.
Me ardhjen e Thiago Silva, hapësirat për Tomori u ngushtuan dhe ai ka humbur vendin e vjetshëm.