Rrethanat e vdekjes së ikonës së futbollit Diego Armando Maradona vazhdohen të diskutohen akoma duke shkaktuar polemika të tjera. Së fundmi, mediat argjentinase pretendojnë se mjeku që operoi ish-futbollistin e Napolit dhe Argjentinës, Leopoldo Luke ka falsifikuar firmën e “Djalit të Artë”.
Pretendohet se mjeku ka kopjuar firmën e Maradonës për të siguruar disa dokumenta. Këto dokumente janë publikuar në mediat vendase.
Në klinikën e mjekut mbërriti një kërkesë për të dërguar në polici të dhënat personale. Një tjetër letër po me të njëjtën kërkesë dhe letra e tretë përmbante një kopje të skanuar të firmës së Maradonës.
Luke i hodhi poshtë akuzat, ndërsa pak ditë pas vdekjes në 25 nëntor 2020, ndaj tij u hodhën dyshime për mjekimin e Maradonës.