Te Tirana janë të bindur se çështja e bllokimit të merkatos ka dalë nga klubet rivale. Bardheblutë kanë qenë shumë të bindur se dikush nga klubet që janë rivale në kampionat kanë zbuluar çështjen, përpara se bardheblutë ta merrnin vesh zyrtarisht lajmin.
Ata kanë hyrë në FSHF dhe kanë parë statusin e TMSsë së Tiranës, i cili ishte i pezulluar. Një gjuajtje e ulët e klubeve të tjera ndaj Tiranës, e cila është treguar “fair” në raste të ngjashme.
Kjo në një farë mënyre ka qenë një goditje për të trembur lojtarët që të kalojnë te Tirana, ashtu siç është rasti i Taulant Seferit, që vetëm të hënën firmosi me Tiranën. Tirana ka kontaktuar me shumë lojtarë, të cilët ose po e lënë në pritje skuadrën bardheblu ose po shohin të ardhmen diku tjetër.