Tashmë është zyrtare. Marko Xhampaolo nuk do të jetë më në stolin e Torinos. Lajmi është konfirmuar nga vetë klubi “granata” nëpërmjet një komunikate për shtyp të publikuar në faqet zyrtare në rrjetet sociale.
53-vjeçari është liruar nga detyra, për shkak të rezultateve negative. Shkarkimi erdhi pas barazimit 0-0 në shtëpi ndaj Specias. Edhe pse skuadra kundërshtare luajti me 10 lojtarë për shumë minuta, Torino nuk arriti të triumfonte.
Skuadra ku aktivizohet mbrojtësi i Kosovës, Vojvoda, gjatë këtij sezoni ka zhvilluar 18 ndeshje, ku ka grumbulluar vetëm 13 pikë dhe gjendet në zonën e rrezikshme, duke mbajtur pozitën e 18-të.
📄 | Il Torino Football Club comunica di aver esonerato Marco Giampaolo dall’incarico di allenatore della Prima Squadra. La Società ringrazia Giampaolo e il suo staff per la professionalità e per l’impegno dimostrati in questi mesi in granata pic.twitter.com/1GynlHVoHX
— Torino Football Club (@TorinoFC_1906) January 18, 2021