Atletico Madrid nuk ka shkuar më shumë se një barazim 1-1 ndaj Levantes në transfertë, duke rihapur llogaritë në La Liga. Sfida ndaj Levantes ishte e prapambetur që nga java e dytë, pasi në atë kohë u shty.
Ndeshja nisi më mirë për ekipin vendas, që kaloi në avantazh në minutën e 17’ me anë të Enis Bardhit. Shqiptari i lindur në Shkup shënoi një gol mjaft të bukur, pas një kundërsulmi të nisur nga vetë ai.
Atletico arriti të reagonte që në pjesën e parë, teksa në minutën e 38’ Marcos Llorente me një goditje të bukur nga jashtë zonës gjeti rrugën e rrjetës. Pjesa e dytë u dominua nga të besuarit e Diego Simeones, por që nuk arritën të konkretizonin rastet e krijuara.
Kështu, gjithçka u mbyll me shifrat 1-1, me Atleticon që tani e sheh veten vetëm 6 pikë përpara vendit të dytë, që mbahet nga Real Madrid, me këta të fundit që kanë një ndeshje më shumë. Barazimi i “Los Colchoneros” rindez një shpresë edhe për Barcelonën, që ndodhet në vendin e tretë me 9 pikë diferencë.
