Raymond Domenech u rikthye në stol në ditën e fundit të dhjetorit, pasi Nantes i bëri një ofertë interesante.
Ish-trajneri i Francës, i cili drejtoi “Gjelat” në vitet 2004-2010, ishte pa ekip prej dhjetë vitesh dhe ndaj pranoi këtë emërim të ri në Ligue 1.
Në krye të Nantes ai nuk ka arritur të marrë rezultate pozitive dhe kështu shkarkimi i tij është vendosur.
Domenech, në shtatë ndeshje ka marrë katër barazime dhe është mposhtur 3 herë.
Do të ishte një shkarkim rekord dhe sërish rikthim në anonimitet, duke qenë se për herën e fundit mbahet mend në finalen Itali-Francë 2006 dhe për faktin se bënte formacionin duke ndjekur horoskopin.
