Ndeshja mes Bragës dhe Portos në gjysmëfinalen e Kupës së Portugalisë, tërhoqi vëmendjen e të gjithëve, për ambulancën e cila mbeti në fushë dhe më pas u shty nga lojtarët.
Megjithatë ndeshja në Portugali është rikthyer edhe njëherë në vëmendje, këtë herë për shkak të disa kërcënimeve. Në ndeshjen e cila u mbyll në barazim 1-1, drejtësinë në fushë e vendosi gjyqtari, Luis Godinio. Ky i fundit duket se ka lënë të pakënaqur tifozët, të cilët nuk i kanë kursyer kërcënimet ndaj tij.
Pas kërcënimeve në rrjetet sociale, jashtë Ligës së Futbollit, është shfaqur një parullë, ku shkruhej: “Ne duhet ta vrasim një…”
Kjo ka trazuar gjithë opinionin publik dhe tashmë shumë gjyqtarë ndihen të kërcënuar për jetët dhe familjet e tyre.
