Juventusi po provon deri në fund për të arritur tek Pol Pogba. Ka pothuaj gati prej një viti që iniciativa e tyre është të risjellin në Torino, ish-mesfushorin e tyre dhe për të qenë përsëri në garë për ta bindur edhe gjatë merkatos verore.Prapaskena – Në prillin e kaluar, Mançester Junajtid refuzoi përfshirjen e njërit prej dy lojtarëve, Dagllas Kosta ose Miralem Pjaniç, më pas boshnjaku u transferua tek Barcelona me një tjetër shkëmbim, me Artur. “Djajtë e kuq” e kishin thënë fjalën e tyre, vetëm para të thata dhe 100 milionë euro.
Ndërsa bardhezinjtë insistonin duke ofruar edhe dy lojtarë të tjerë si, Aron Ramsi dhe Adrien Rabio. A do të jetë në gjendje Solskjaer të kërkojë të njëjtat kushte edhe me një kontratë një vjeçare për Pogbanë? Muajt e ardhshëm do ta tregojnë nëse Juventusi do të provojë përsëri.
