Futboll Seria A Sport

“INTERI MUND TA HUMBASË DERBIN NË TAVOLINË”/ Gafa e ish-arbitrit Pieri në transmetim live

Ish-arbitri i njohur italian, Tiziano Pieri, bëri një gafë të rëndë gjatë transmetimit live pas ndeshjes Milan-Inter 0-3, teksa në emisionin “La Giostra del Gol”, në Rai Italia hodhi hipotezën se skuadra e Antonio Kontes mund ta humbiste ndeshjen në tavolinë me rezultatin 3-0, për shkak se kishte shkelur rregulloren për sa i përket zëvendësimeve.

Pieri pretendoi fillimisht që 5 zëvendësimet e Interit, ishin kryer në 4 ndalesa dhe jo në 3 siç e kërkon rregullorja.

“Me shumë gjasa Interi ka bërë një gabim, ata përdorën një ndalesë shtesë për zëvendësimet. Nëse nuk gaboj. Në minutën e 78-të hyri Darmian së bashku me Galiardinin. Ndalesa e parë.

Në të 79-tën u aktivizua Sançez, ndalesa e dytë. Ndalesa e tretë ishte aktivizimi i Jangut dhe në ndalesën e katërt u fut Vidal. Kjo gjë nuk lejohet. Kështu që Interi mund ta humbë ndeshjen në tavolinë”, u shpreh në emisionin live Pieri.

Më pas ish-arbitri ka kërkuar ndjesë për lapsusin e tij, duke bërë me dije se kishte parë raportin e gabuar të ndeshjes, duke shkruar në “Twitter”.

“Këtë pasdite gjatë transmetimit në emisionin “La Giostra del Gol” lexova një tabelë që raportonte minutat e zëvendësimeve të Interit. Tabela ishte e gabuar dhe unë e specifikova atë disa minuta më vonë gjatë të njëjtit transmetim. Kërkoj falje për gabimin”, shkroi ish-gjyqtari.

Related posts

PORTIERI I INTERIT HANDANOVIÇ/ Mund ta kisha pritur golin e tyre

Isa.Autor

“PAGUANTE 100 MIJË EURO NË MUAJ”/ Ndihmonte 50 familje, zbulohet sekreti i Maradonës pas vdekjes

Delo.autor

LIVE/ Laçi-Luftëtari: Laçi pretendon për penallti, arbitri merr vendimin (VIDEO)

Delo.autor

Leave a Comment