Lajme të mira për Kombëtaren, në prag të ndeshjeve të muajit mars. Bëhet fjalë për mesfushorin Klaus Gjasula, që së fundmi ishte rikthyer në një nga futbollistët më të rëndësishëm për formacionin e trajnerit reja.
31-vjeçari ka lënë pas dëmtimin dhe është rikthyer në fushë, duke u bashkuar me skuadrën e Hamburgut në stërvitje.
Lajmi është konfirmuar nga vetë Gjasula, nëpërmjet një postimi në faqen zyrtare në “Instagram”. Mesfushori do të ketë në dispozicion plot 1 muaj kohë, për të kapur formën fizike dhe për të qenë plotësisht gati për ekipin Kombëtar.
