Sulmuesi i Shqipërisë U-21 Albion Ademi ka gjetur golin e parë më skuadrën e re Djugarden. Ish-futbollisti i Mariehamnit realizoi njërin prej 6 golave në miqësoren e luajtur sot pasdite kundër Siriusit.
Ishte Ademi që hapi rrjedhën e golave në këtë test miqësor. Pas një aksioni të bukur, Ademi kontrollon topin me të majtë dhe godet fort duke mposhtur portierin e Siriusit.
Ademi u transferua në janar nga Mariehamni te Djugardeni për shifrën e 200 mijë eurove. Ai spikati vitin e kaluar në kampionatin finlandez me Mariehamnin duke realizuar 14 gola në 22 ndeshje.
