Mauricio Pochettino ka besim të plotë te Neymar. Duke folur në një konferencë shtypi përpara ndeshjes së kampionatit kundër Nice, trajneri i Paris Saint-Germain foli për dëmtimin e fundit të sulmuesit brazilian dhe skepticizmin e shtypit vendas për profesionalizmin e tij:
“Unë nuk kam lexuar asgjë në lidhje me të. Neymar është një lojtar i nivelit të lartë, një nga pesë lojtarët më të mirë në botë. Ne shpesh flasim për të, është normale…
Ney është një profesionist i shkëlqyeshëm, i cili ka përulësi të pakufishme dhe talent të jashtëzakonshëm. Ai është plotësisht në shërbim të ekipit, një person i fortë, i pjekur dhe i dashur që gjithmonë jep gjithçka për shokët e tij të skuadrës.
Neymar është një djalë i jashtëzakonshëm”, deklaratat e tij në mbështetje të ish-yllit të Barcelonës.