Mungojnë pak orë nga Napoli-Juventus, ndeshje që do të thotë shumë në lidhje me vazhdimin e sezonit të të dy skuadrave.
Rino Gattuso dhe Andrea Pirlo, miq dhe ish-shokë skuadre, do të përballen këtë të shtunë (ora 18) në Diego Armando Maradona të Napolit.
Një super ndeshje që nuk do të ndiqet vetëm në Itali, por edhe në të gjithë botën, duke parë se të gjithë 5 kontinentet kanë siguruar lidhjen televizive për ndeshjen e madhe të javës së 22-të të Serie A.
Sa për të përmndur disa vende, nga Europa do të lidhen Anglia, Spanja, Gjermania, Rusia dhe Portugalia, ndërsa nga Amerika Qendrore dhe e Jugut, Brazili, Bolivia, Kili dhe Meksika.
Janë edhe Kina me Japoninë, ashtu si Shtetet e Bashkuara të Amerikës, Australia dhe India. Dhe në Afrikë, mes vendeve të tjera, janë Algjeria, Egjipti, Kameruni dh Zimbabve.
