Gjatë sfidës së mbrëmshme ndaj Atalantës në gjysmëfinalen e dytë të Kupës së Italisë, Elseid Hysaj u zëvendësua në minutën e 42′ duke i bërë vend Mario Ruit.
Pas ekzaminimeve mjekësore të ditës së sotme, mbrojtësi shkodran ka pësuar një dëmtim të shkallës së parë në këmbën e majtë.
Një lajm i keq ky për mbrojtësin e Kombëtares shqiptare i cili ishte duke kryer paraqitje pozitive me fanellën e kaltër.
Këtë lajm e ka bërë publike vetë klubi napoletan me anë të një komunikate në sajtin e saj zyrtar.
KOMUNIKATA ZYRTARE E KLUBIT TË NAPOLIT –
“Elseid Hysaj i’u nënshtrua vizitave mjekësore dhe u evidentua një dëmtim të shkallës së parë në muskulin e këmbës së majtë. Futbollisti ka nisur menjëherë fazën e rehabilitimit.”
