I vënë në shënjestër prej kohësh nga Inter, lista e pretendëntëve për Florian Nehaus është bërë më e gjatë.
Në fakt, talenti 23-vjeçar i Borussia Monchengladbach ka përfunduar në radarët e Borussia Dortmund, por pëlqehet edhe nga Juventus, Bayern, Liverpool dhe Manchester City, sipas kicker.de
Lojtari ka një kontratë deri në 2024-ën me Borussia-n, me një klauzolë prej 40 milionë eurosh për prishjen e parakohshmë të saj.
Kjo klauzolë mund të favorizojë shitjen e tij në verë.
Muajt e ardhshëm duket se do të jenë vendimtarë për Florian Neuhaus dhe të ardhmen e tij. 23-vjeçari mund të zbarkojë në Itali, ku ndiqet me shumë interes nga Inter dhe Juventus.