Është marrë një vendim i parë lidhur me çështjen e Luis Suarezit dhe provimin farsë në Universitetin për të Huaj të Peruxhës për marrjen e nënshtetësisë italiane.
Profesori Lorenco Roka, pjesëtar i komisionit që mori në pyetje sulmuesin uruguaian, vendosi pakt për një vit burgim me kusht, për zbulim të sekreteve zyrtare dhe falsifikimit.
Prokuroria e Peruxhës kishte pranuar paktin. Profesori Roka ishte hetuar në konkurs me rektoren Xhuliana Grego Boli, profesoreshën Stefania Spina dhe drejtorin e përgjithshëm Simone Olivieri, për testin e mbajtur nga Suarez, 17 shtatorin e kaluar. Është tërhequr kështu masa paraprake e pezullimit për 8 muaj. Lajmin e kanë përcjellë mediat lokale.