“E njohim Inter-in, e dimë se do të duhet të bëjmë një ndeshje të madhe. Sfidë për titullin? Objektivi ynë i madh mbetet Champions. Ky do të ishte titulli ynë”.
Këto kanë qenë deklaratat e bëra nga trajneri i Lazio-s, Simone Inzaghi, në prag të ndeshjes së kampionatit kundër Inter-it në San Siro të dielën në mbrëmje.
Një fitore do të kthente në luftë për titull bardhekaltrit, të cilët vijnë nga gjashtë fitore radhazi në kampionat:
“Do të jetë një ndeshje shumë e rëndësishme për ne, vijmë nga një moment shumë i mirë. Inter është favorite bashkë me Juventus-in për të fituar titullin”, ka vazhduar Inzaghi.
“Më pas është Milan, që po bën gjëra të mëdha dhe jemi ne me skuadra të tjera. Zikaltrit janë eliminuar në gjysmëfinalen e Kupës së Italisë, kështu që do të jenë më të zemëruar, por ne do të kërkojmë të jemi gati dhe ta shesim shtrenjtë lëkurën”.
