Do të startojë në orën 20:45, sfida Specia-Milan në stadiumin “Alberto Picco”, e vlefshme për javën e 22 të Serisë A italiane.
Milani në këtë transfertë vjen pas një fitore të thellë fundjavën e kaluar ku shkatërroi me “poker” 4-0 Krotonen dhe vijon me serinë e rezultateve pozitive. Milani dëshiron të fitojë ndaj skuadrës nga Liguria për të mbajtur në distancë Interin e cila e ndjek me 2 pikë pas.
Specia vjen pas një fitore fundjavën e kaluar ndaj Sasuolos në Rexhio-Emilia me rezultatin 1-2. Mbrojtësi i Kombëtares shqiptare, Ardian Ismajli do ta nisë titullar këtë sfidë, i cili po kryen paraqitje pozitive me fanellën e skuadrës së ngjitur këtë sezon në Serinë A.
FORMACIONET ZYRTARE –
SPECIA – (4-3-3): Provedel; Vinjali, Erliç, Ismajli, S.Bastoni; Estevez, Riçi, Maxhore; Saponara, Agudelo, Giazi. Trajner: Vinçenco Italiano.
MILAN – (4-2-3-1): Donaruma; Dalot, Kjaer, Romanjoli, Teo Hernandez; Kesi, Benaser; Salemakers, Çalhanoglu, Leao; Ibrahimoviç. Trajner: Stefano Pioli.
