Juventusi nuk shkoi më shumë se barazimi ditën e djeshme ndaj Veronës, duke i dhënë kështu një asist Interit kryesues dhe Milanit të vendit të dytë për t’u shkëputur në renditje.
Megjithatë përveç rezultatit dhe asaj që ndodhi në fushë, një moment i veçantë i kapur nga kamerat në stolin e Juventusit, ka tërhequr vëmendjen e të gjithëve. Mesfushori amerikan, Ueston Mekeni e nisi ndeshjen nga stoli, por për një moment u hutua dhe e hoqi vëmendjen nga ndeshja në fushë.
Gjatë kohës kur po luhej sfida mes Veronës dhe Juventusit, pranë stolit të këtyre të fundit kaloi gazetarja seksi italiane e “Dazn”, Dileta Leota. Ajo njihet për format e saj sensuale, me të cilat tërheq gjithmonë vëmendjen dhe të njëjtën gjë bëri edhe ndaj Mekeni. Ky i fundit u kap nga kamerat, teksa fiksohet me të pasmet e gazetares, duke mos ia ndarë sytë.
