Problemet për Juventusin shtohen përpara çdo prag ndeshjeje, por në pritje të duelit të mbrëmjes së sotme kundër Portos, një tjetër mungesë shumë e rëndësishme shtohet në prapavijë.
Pasi në orët e fundit kishin ardhur garancitë për mospjesëmarrjen e Huan Kuadrados dhe Artur Melos në Champions, dje në stërvitjen e fundit është ndalur edhe Leonardo Bonuçi. Qendërmbrojtësi vazhdon që të ketë disa shqetësime në kaviljen e dëmtuar që me Bolonjën dhe kjo gjë po i shkakton në mënyrë kronike dhimbje.
Dhe duke mos qenë në maksimumin e formës, trajneri Pirlo ka vendosur që të mos e grumbullojë më. Edhe Dibala nuk ka mundur që të rikuperojë për Porton, ndërsa në stol do të mund të akomodohet uellsiani Aron Ramsej, i cili kishte qëndruar 3 javë jashtë fushave.
Për sa i përket formacionit bardhezi, shumë zgjedhje janë të detyruara, sidomos në mesfushë, repart që do të formohet nga Kieza, Rabio, Bentankur e MeKeni, që do të mbështesin dyshen sulmuese Ronaldo-Morata. Ndërkohë, prapavija do të shohë në qendër dyshen Kielini-De Ligt, ndërsa nga krahët dy ish-lojtarët e Portos, Sandro e Danilo.
FORMACIONET E MUNDSHME
