Dje në Turqi është dhënë rekordi “Guinness” për trajnerin më jetëgjatë në krye të një skuadre. Bëhet fjalë për një ekip që militon në Ligën e Parë amatore në Turqi.
Aziz Tokat dje ka rinovuar karrierën e tij për dy vitet e ardhshme me skuadrën e Esnafsporit, pasi është në krye të këtij klubi prej 58 vitesh. 83- vjeçari është vlerësuar për besnikërinë në drejtimin e një skuadre, si askush në botë deri më tani.
Ai ka kaluar në skuadrën e tij shumë breza lojtarësh që kanë bërë histori në elitën e futbollit turk. “Jam në gjendje që ta bëj këtë profesion dhe pranova propozimin e klubit që të rinovoj edhe për dy vite të tjera”, është shprehur ndër të tjera 83- vjeçari Tokat.