Në Itali kanë filluar të mendojnë për rikthimin e tifozëve në stadium, diçka që ka dështuar të realizohet deri në këtë fazë të sezonit, për shkak të pandemisë së Koronavirusit.
Sipas “La Gazzetta dello Sport”, në Itali kanë një plan për rikthimin e tifozëve në muajt e ardhshëm. Thuhet se plani është që fillimisht për ndeshjet e fundit të këtij sezoni, të lejohen 1000 tifozë në stadiume dhe për të vazhduar më pas me Europianin, ku plani është që të lejohen 30% të stadiumit “Olimpico”.
Deri tani ende nuk ka një vendim përfundimtar, por është thjesht një plan që në të ardhmen muajt e ardhshëm mund të realizohet, për pjesën e mbetur të sezonit.
