Mesfushori i Lokomotivës së Zagrebit dhe Shqipërisë, Sherif Kallaku shënoi golin e dytë sezonal në Kroaci. 22-vjeçari zhbllokoi sfidën e javës së 20-të të kampionatit kroat ndaj Rijekës në minutën e 12-të.
Ish-mesfushori i Teutës është asistuar nga shqiptari Enis Çokaj. Momentalisht, sfida po luhet.
Deri tani, Kallaku ka zhvilluar gjithsej 21 ndeshje me Lokomotivën e Zagrebit duke shënuar dy gola. Golin e parë e ka realizuar në sfidën e 18 shtatorit të vitit të kaluar kundër Sibenikut, takim që Lokomotiva e humbi me rezultatin 3-2.
