Manchester United ka humbur një mundësi të artë për të kapur përkohësisht Manchester City-n në kreun e renditjes së Premier League.
Djajtë e Kuq, në fakt, kanë barazuar 3-3 në shtëpi kundër Everton-it pasi e kanë mbyllur pjesën e parë në avantazh të dy golave falë Cavani-t (24′) dhe Fernandes (45′).
Pjesa e dytë ka nisur keq për vendasit, me Everton që ka barazuar në harkun e 3 minutave me Dououre (49′) dhe Rodriguez (53′).
Skuadra e Solskjaer është kthyer në avantazh me McTominay (70′), por është befasuar në fundin e takimit nga Calvert-Lewin (95′).
Dominic Calvert-Lewin ka shënuar 13 gola në këtë kampionat, më shumë se çdo lojtar tjetër anglez në Premier League.
United mbetet në vendin e dytë me 45 pikë, dy më pak se City që ka dy ndeshje më pak, ndërsa Everton është në vendin e gjashtë me 37 pikë.
