Liverpool, kampioni në fuqi i Premier League, duket se nuk do të jetë në gjendje ta mbrojë titullin. Këtë e ka thënë ylli i Të Kuqve, Sadio Mane.
“Në këtë moment, për ne ka mbaruar gjithçka në Premier League. Nuk mund të bëjmë asgjë, diferenca nga Manchester City është shumë e madhe”, ka thënë ai për ESPN Brasil.
“Tani duhet të përqendrohemi në Champions League. E dimë se do të jetë e vështirë, sepse duhet të luajmë kundër skuadrave më të mira të Europës. Por mund t’ia dalim”.
Liverpool e ka fituar 2-0 ndeshjen e parë të 1/8-ve të Champions League kundër Leipzig.
