Novak Djokovic është për të tretin vit radhazi kampioni i “Australian Open”. Serbi mundi në finale rusin Medvedev në vetëm 3 sete (7-5, 6-2, 6-2), duke festuar për të nëntën herë në karrierën e tij në tokën australiane.
Edhe pse sipas kompanive të basteve finalja Djokovic-Medvedev shihej si e ekuilibruar, tenisti serb arriti të dominonte gjithçka. Seti i parë ishte edhe ai më i luftuari, ku Medvedev u mposht me break vetëm në gamen numër 12, duke e mbyllur setin 7-5.
Seti i dytë dhe i tretë më pas nuk patën shumë histori, me Djokovic që dominoi absolutisht gjithçka. Kjo fitore e Grand Slamit e çon tenistin serb në 18 Grand Slame të fituar në karrierën e tij.
