Futboll Kategoria Superiore Sport

TIRANA SI KURRË MË PARË/ Ja risitë e turit çerekfinal të Kupës së Shqipërisë

Tirana është rekordmene e Kupës së Shqipërisë, duke e fituar atë 16 herë. Mirëpo, si kurrë më parë në histori, ekipi bardheblu u eliminua këtë edicion që në turin e dytë nga Korabi, duke mos shkuar dot as në çerekfinale.

Klubi kryeqytetas ka marrë pjesë në të gjitha edicionet e deritanishme të Kupës (69), ndërsa ka qenë edhe 10 herë pjesë e finaleve ku nuk ka mundur dot të fitojë trofeun. Tirana ka rekordin edhe sa i përket pjesëmarrjes në turin gjysmëfinal, plot 36 herë. Bardheblutë ndiqen nga Partizani, që ka 15 kupa (një më pak se Tirana) dhe gjithashtu ka qenë 8 herë pjesë e finaleve ku ka dalë i mposhtur. Në çerekfinale Tirana ka 55 pjesëmarrje, ndërsa Partizani 50 të tilla.

Ndeshjet teke dhe shorti pas çdo turi e kanë zbukuruar këtë edicion Kupën e Shqipërisë. Surprizat nuk munguan në turin e dytë, teksa skuadrat që militojnë në Kategorinë e Parë, si Korabi dhe Dinamo, eliminuan Tiranën e Bylisin.

E veçanta ishte se të dyja ndeshjet shkuan në kohën shtesë, por kjo nuk ndikoi në performancën e skuadrave të Kategorisë së Parë, që këtë sezon kërkojnë ngjitjen në elitë. Këtë herë blutë e kryeqytetit kanë në letër një përballje më të lehtë në letër se ajo në Ballsh, pasi presin Skënderbeun që po lufton për mbijetesë. Nga ana tjetër, dibranët do të provojnë shansin në Shkodër. Në fund të fundit janë vetëm 90 minutat dhe luhet për… gjithçka.

Related posts

PEREZ I KËRKON RIKTHIMIN NË “BERNABEU”/ Mourinho mbetet ende “PENG” i Manchester Unitedit

Delo.autor

“DO VAZHDOJMË BETEJËN”/ Zbulohet arsyeja e “luftës së ftohtë” në CAS mes Milanit dhe UEFA-s (FOTO)

Delo.autor

LIVE/ Iran-Portugali: Sfida ku “humbja” nuk pranohet

Sadik.Autor

Leave a Comment