Ish-sulmuesi i Skënderbeut, Xhejms Adeniji shënoi golin e katërt sezonal me skuadrën e Gabalas në kampionatin e Azerbajxhanit. 28-vjeçari nigerian i dha fitoren skuadrës së tij në ndeshjen kundër Sumgaitit ditën e sotme në kuadër të javës së 17-të ligës azere.
Adenij goditi saktë në hyrje të zonës kundërshtare në minutën e 50-të duke festuar me ekipin dhe pankinën e Gabalës.
Sezonin e kaluar, ai u huazua te Kiriat Shmona në Izrael duke realizuar 6 gola në 22 ndeshje. Këtë sezon me Gabalën, Adenij ia ka dalë të realizoj 4 gola në 15 takime.
Adenij spikati në Superiore me Laçin dhe Skënderbeun duke fituar 2 kampionate dhe 2 Kupa të Shqipërisë.