Futbollisti nga Kosova, Liridon Krasniqi ka gjetur klubin e ri përtej oqeanit. Sulmuesi 29-vjeçar është transferuar në Australi, duke firmosur te skuadra e Njukastëll Jets.
Krasniqi do të jetë i huazuar nga klubi Johor te Njukastëll që militon në A-League në Australi, duke iu bashkuar kështu patriotit të tij Besart Berisha, që është dhe ylli i skuadrës.
Nëpërmjet një postimi në rrjetin social “Instagram”, Krasniqi është shprehur i lumtur për arritjen e marrëveshjes, teksa ka shkruar.
“Jam shumë i emocionuar për fillimin e një karriere të re. Shpresoj që të ju bëjë të lumtur. Mezi pres të luaj dhe ta tregoj potencialin tim në A-League”. Kujtojmë që lojtari nga Komuna e Vitisë është i pajisur me pasaportën e shtetit të Malajzisë.
