Angel Di Maria është që nga viti 2015 pjesë e PSG, kohë kur u transferua nga Manchester United drejt Francës për plot 63 milionë euro. Argjentinasi është drejt fundit të kontratës me klubin nga “Parc des Princes”, pasi kontrata aktuale skadon në muajin qershor.
Sidoqoftë, PSG ka nisur të lëvizë dhe sipas asaj që raporton “RMC Sport”, drejtuesit e klubit kanë gjetur marrëveshjen me Di Marian, që ky i fundit të rinovojë edhe për një tjetër vit.
33-vjeçari shihet si një lojtar i rëndësishëm për ekipin dhe këtë gjë e ka konfirmuar edhe këtë sezon, ku ka qenë protagonist me 4 gola dhe 9 asist në 19 ndeshje në Ligën e parë franceze.
