Mbrëmjen e djeshme Spanja U21 luajti me Italinë U21, ndeshje kjo e vlefshme për Grupin B të Europianit U21.
Ndeshja përfundoi në barazim 0-0, por ishte një ndeshje me shumë volum ku nuk mungoi dhe tensioni në fundin e ndeshjes, teksa arbitri nxori plot 3 kartona të kuq.
Në minutën e 85’ të ndeshjes, sulmuesi italian, Skamaça në një dyluftim me mbrojtësin spanjoll, Mingueza, e goditi ketë të fundit në fytyrë duke u përjashtuar nga arbitri me karton të kuq për faullin e shkaktuar. Këtu ishte pikënisja e episodit, duke pasuar më pas dhe me dy kartonë të kuq. Mbrojtësi i Barcelonës, Mingueza, në gjaknxehtësi e sipër goditi me kokë sulmuesin italian, Skamça, i cili mori menjëherë karton të kuq për veprimin e bërë.
Arbitri nuk e la me kaq, teksa nxori karton të kuq dhe për mesfushorin Italian, Rovella, duke e çuar kështu në 3 numrin e kartonëve të kuq në harkun kohor të një minute. Në Itali janë revoltuar shumë për kartonin e kuq të dhënë për sulmuesin Skamaça, pasi duket qartë aktrimi i Minguezës, ku pamjet nga faulli tregojnë që nuk ka asnjë kontakt fizik midis sulmuesit dhe mbrojtësit.
🔴🔴🔴 pic.twitter.com/kI2f1lGuh0
— TheFootballAddick (@FootballAddick) March 28, 2021
