Manchester-Milan mbyllet 1-1 por sa emocione në fund kur pas golit të Diallo, Simon Kjaer gjen devijimin perfekt me kokë dhe shënon golin që vlen shumë jashtë fushe, duke qenë se luhej në “Old Trafford”.
Ndeshje e dominuar nga Milani dhe Manchester United që u përpoq më shumë me kundërsulme dhe duke pritur nga gabimet e ekipit të Piolit.
Madje, në pjesën e parë, u anuluan edhe dy gola (Leao dhe Kessie me VAR) ndërsa në fillim të pjesës së dytë një gabim i Donnarumma i dha golin Diallo me kokë.
Milani rriti presingun dhe forcat dhe në fund gjeti barazimin e jashtëzakonshëm me Kjaer në goditje këndi duke ngrirë United.
