Uellsi mposhti ditën e djeshme Çekinë me rezultatin 1-0, në ndeshjen e vlefshme për eliminatoret e Botërorit “Katar 2022”.
Megjithatë ajo që ka tërhequr vëmendjen e të gjithëve, ka qenë një episod i Gareth Bejlit dhe mbrojtësit çek, Ondrej Kudela.
Gjatë një dyluftimi në ajër për top, Bejli godet keq me bërryl mbrojtësin kundërshtar. Arbitri nuk e shikon këtë episod dhe sulmuesi i Totenhemit shpëton pa u ndëshkuar, por në kamera shihet qartë gjithçka.
Kudela ka qenë një nga lojtarët më të përfolur pas ndeshjes mes Slavia Pragë dhe Rejnxhërit në Ligën e Europës, pasi u akuzua për fjalë raciste ndaj lojtarit të skuadrës skoceze, Glen Kamara. Thuhet se edhe vetë mbrojtësi çek e kishte pranuar në dhomat e zhveshjes, me shokët e skuadrës se kishte përdorur fjale raciste.
Duke e lidhur me këtë, edhe komentatori i ndeshjes së djeshme, pas goditjes që Bejli i dha Kudelës, u shpreh: “Njerëzit nuk do të jenë shumë të mërzitur, teksa po e shikojnë këtë episod”.
Gareth Bale elbows Ondrej Kudela. The player who racially abused Glen Kamara during Rangers' Europa League game.
Respect 👊 pic.twitter.com/fgBmArn8pi
— Outsiders (@Outsiders_Footy) March 30, 2021
