Ish-lojtari i Milanit dhe kombëtares së Japonisë, Keisuke Honda është shumë afër kalimit te skuadra nga Azerbajxhani, Nefçi Baku.
Sipas raportimeve të fundit, palët janë në bisedime dhe në orët e ardhshme pritet të mbyllet gjithçka. Thuhet se Honda është gati të kalojë te Nefçi Baku deri në fund të sezonit, më pas do të diskutojnë përsëri për të ardhmen e lojtarit.
Te Nefçi Baku, Honda do bëhej shok skuadre me Bruno Telushin, i cili u bashkua me këtë skuadër në merkaton e verës, kur u largua nga Kukësi,, tek të cilët ishte transferuar në verë nga Partizani. Së fundmi 34-vjeçari ishte pjesë e Botafogo, me të cilët e mbylli marrëveshjen në janar dhe tani është në kërkim të një aventure të re.
