Barcelona mposhti me rezultatin 0-2 Osasunën në sfidën e vlefshme për javën e 26-të të La Ligës. Ky ishte triumfi i tretë radhazi në kampionat për skuadrën e Kumanit, që e ka ngushtuar diferencën në 2 pikë nga kryesuesit e Atletiko Madrid që kanë 2 ndeshje më pak se katalanasit.
Xhordi Alban hapi serinë e golave në minutën e 30-të, pas asistit të Mesit, ndërkohë që në të 83-tën, ishte 18-vjeçari Moriba, i cili i hedhur nga stoli në minutën e 67-të në vend të Buskets, gjeti golin e parë me fanellën e Barcelonës.
Talenti katalanas, çoi në rrjetë një asist të Mesit. Pas këtij triumfi Barça do të shpresojë te një hap fals i Atletikos në derbin e ditës së diel ndaj Realit.
