Graciano Pele u rikthye në Serinë A te Parma në merkaton e janarit, pasi ishte larguar nga ky kampionat në vitin 2012.
Pasi u aktivizua në dy ndeshje nga pak minuta, sulmuesi italian realizoi një supergol për Parmën ndaj Xhenoas. Këta të fundit triumfuan me rezultatin 1-2 me përmbysje, pas supergolit të Pele në minutën e 16’.
Sulmuesi italian, pasi merr një top në zonë, e ndalon bukur topin me gjoks, për të bërë një gjuajtje spektakolare me roveshatë, e cila u ndal në fundin e rrjetës. Një gol spektakolar ky i shënuar nga Pele, i cili menjëherë ka nisur të bëjë xhiron në internet.
Për herë të fundit në Serinë A, 35-vjeçari kishte shënuar në dhjetor të vitit 2011 dhe goli i mbrëmjes së djeshme ishte pas 3379 ditëve.