Xavi Hernandez është një ikonë për Barcelonën dhe kurrësesi ai nuk mund ta harrojë klubin katalanas. Së fundmi, ai ka folur për ecurinë e ekipit blaugrana, por ka dhënë edhe një sugjerim për drejtuesit e rinj të klubit.
Sipas ish-kapitenit, trajneri ideal për Barcelonën do të ishte Joachim Low. Një deklaratë vërtet e çuditshme nga Xavi, i cili zgjedh një trajner që prej 15 vitesh drejton Kombëtaren e Gjermanisë. Low ka deklaruar se në fund të Europianit që zhvillohet këtë verë do të largohet nga drejtimi i Pancerave.
Ndoshta mesazhi i Xavit është i drejtpërdrejtë për drejtuesit e Barçës, që të lëvizin në verë, megjithëse Ronald Koeman po bën një punë të mirë, sidomos së fundmi, ku ekipi i Barcelonës ka patur rezultate shumë të mira.
