Ish-agjenti i Nejmar, Andre Kuri ka bërë një deklaratë të bujshme sa i përket çështjes së përfolur për ribashkimin në sulmin e Barcelonës të Nejmarit dhe Lionel Mesit.
Vitin e kaluar, sulmuesi argjentinas, Lionel Mesi kërkoj të largohej nga Barcelona në merkaton e verës dhe një ndër destinacionet që u përfol për argjentinasin ishte pikërisht PSG-ja, ekip ky ku kishte mundësinë të bashkohej me shokun e tij Nejmar.
Por me zgjedhjen e presidentit të ri gjërat duket se kanë ndryshuar. Presidenti i ri, Joan Laporta u shpreh se do të bënte gjithçka që të mbante Mesin në skuadër. Fill pas kësaj deklarate, ish-agjenti i brazilianit Nejmar, Andre Kuri, ka dhënë një deklaratë tjetër të bujshme duke u shprehur se : ‘’Nejmar mund të luajë përsëri me Mesin, por jo tek PSG-ja por tek Barcelona’’.
Një deklaratë e bujshme kjo teksa situata ndryshon në favor të Barcelonës e cila për ti plotësuar dëshirën Mesit mund të rikthejë brazilianin përsëri në ‘’Kamp Nou’’.
