Anglia e ka nisur duke u dëfryer fushatën e kualifikueseve të Botërorit 2022, teksa ka mposhtur 5-0 San Marinon në shtëpi. Ekipi i Southgate kurseu dhe forcat, pasi të dielën do të luajë ndaj Kombëtares tonë në “Air Albania”.
Harry Kane u la pushim në këtë ndeshje, ndërsa lojtarë të tjerë si Sterling, Mount apo Foden luajtën vetëm 1 pjesë loje. Ndeshja nisi me gol në minutën e 14’, ku Ward Prose shkundi rrjetën pas një aksioni të bukur.
Calvert-Lewin dhe Sterling shënuan nga një herë secili, duke mbyllur pjesën e parë me shifrat 3-0. Pjesa e dytë nisi me zëvendësime të shumta nga Southgate, ku u hodhën në fushë emra si Bellingham, Mings, Trippier apo Watkins.
Goli i katërt u shënua përsëri nga Calvert-Lewin, ndërsa për të mbyllur gjithçka në 5-0 mendoi Watkins, i cili shënoi në debutimin e tij me Kombëtaren angleze. Kështu, Anglia ngjitet në vendin e parë të Grupit I me 3 pikë, së bashku me Kombëtaren tonë.
