Ish-lojtari i Partizanit, Lorenc Trashi i cili aktualisht aktivizohet në kampionatuin e Kuvajtit me fanellën e Al-Qadsia, ka reaguar nëpërmjet një Story në profilin e tij të rrjetit social “Instagram”, ku ka deklaruar se përshkak të gjendjes së vështirë të pandemisë globale të COVID-19 dhe disa procedurave, nuk mund të jetë i disponueshëm për Kombëtaren shqiptare për ndeshjet kualifikuese të Botërorit “Katar 2022” në fundin e muajit mars.
POSTIMI I LORENC TRASHIT –
“Me keqardhjen time të plotë, duhet t’iu informoj se për shkak të situatës së vështirë në të cilën është e gjithë bota, dhe për shkak të disa vonesave në procedurat që nuk janë në dorën time, unë nuk mund të bashkohem me ekipin Kombëtar të futbollit për ndeshjet e ardhshme në muajin mars. Unë dua të falënderoj të gjithë për mbështetjen e tyre, dhe i uroj të gjitha të mirat dhe shumë fat ekipit tim Kombëtar dhe shokëve të mi.”
