Aventura e Edinson Cavanit te Manchester United nuk ka shkuar ashtu siç pritej dhe uruguajani do të largohet në fund të sezonit.
Kontrata e Cavanit skadon dhe as klubi as sulmuesi nuk kanë ndërmend të rinovojnë. Mediat së fundmi kanë bërë me dije se Cavani do të largohet drejt Boca Juniors. Diçka të tillë e ka konfirmuar edhe babai i sulmuesit, Luis Cavani.
“Edinson ka pasur shumë bisedime me Riquelmen dhe i pëlqen shumë të luajë për Boca Juniors. Karriera e Cavanit do të mbyllet në Amerikën Latine dhe ka shumë mundësi që ai të firmosë për Bocan”, është shprehur Luis Cavani.
