Java e 25-të e Kategorisë Superiore, mbylli siparin ditën e diel, teksa skuadrat do të qëndrojnë pushim për afro 2 javë, për shkak të angazhimeve të ekipeve Kombëtare, për ndeshjet e muajit mars. Në përfundim të kësaj jave, Vllaznia, u rikthye në krye të tabelës, duke përfituar nga hapi fals i Laçit, Partizanit dhe Teutës.
Në hulimtinim e përjavshëm të “Panorama Sport”, për sa i përket krahasimit të pikëve me javën e 25-të të sezonit të kaluar, rezulton se skuadrat që kanë rikuperuar më shumë pikë në këtë krahasim janë Vllaznia, Partizani, Teuta dhe Laçi.
Ndërkohë, për sa i përket listës së bilanceve negative, ajo kryesohet nga Skënderbeu me plot 19 pikë më pak se vjet, për të vijuar më pas me kampionët e Tiranës, Kukësin dhe Bylisin.
Vlen të theksohet fakti se Kastrioti dhe Apoloni nuk bëjnë pjesë në këtë krahasim, pasi sezonin e kaluar militonin në Kategorinë e Parë.
DIFERENCA E PIKËVE NGA KRAHASIMI I RENDITJEVE:
VLLAZNIA +13 pikë
LAÇI +3 pikë
PARTIZANI +5 pikë
TEUTA +4 pikë
TIRANA -12 pikë
KUKËSI -12 pikë
BYLIS -10 pikë
SKËNDERBEU -19 pikë
