Menaxheri i Elseid Hysajt, Mario Xhiufredi, ka dhënë së fundmi një prononcim për “Radio Marte”, gjatë transmetimit të emisionit “Si Inflate la Rete”, ku ka folur për të ardhmen e futbollistit të Kombëtares shqiptare, ku u shpreh:
“Hysaj? Një tjetër tregues se është një profesionist i madh. Ai i është mirënjohës Napolit për 5 vitet që ka jetuar këtu. Minimumi që mund të tregojë është lidhja me fanellën.
Mendoj se me 99,9% është e mbyllur, po flasim me klube të tjera, po zhvillojmë disa situata. Për momentin nuk dihet se kush do të jetë trajneri. Pas 5 vitesh është e drejtë që djali të provojë eksperienca të tjera, kemi disa situata që po diskutohen. Ekziston një 0,1% mundësi qëndrimi, por varet nga kush do të jetë trajneri. Por pastaj ndoshta mund të jetë shumë vonë. Për mua, nëse Gatuzo nuk fiton titullin, ai nuk do të qëndrojë më te Napoli”, tha Xhiufredi.
