Kombëtarja Shqiptare zhvilloi ditën e sotme duke filluar nga ora 17:00, stërvitjen e parë në Barcelonë, në prag të sfidës ndaj Andorrës, që kuqezinjtë do të zhvillojnë ditën e enjte.
Ky takim është i vlefshëm për eliminatoret e Botërorit 2022. Vlen të theksohet fakti se grupi i lojtarëve në stërvitjen e parë ishte thuajse i plotë, me përjashtim të portierit Etrit Berisha dhe sulmuesi Florian Kamberi, të cilët pritet të bashkohen në orët në vazhdim, raporton “Supersport”.
Në 15 minutat e para, kuqezinjtë zhvilluan vrapime të lehta për ngrohjet e muskujve, teksa në minutat në vazhdim vijuan më ushtrime tekniko-taktike.