Pasi njoftoi tërheqjen nga futbolli në vitin 2010, ish-portieri i Milanit, Zeljko Kalaç është rikthyer në futbollin e luajtur në moshën 48-vjeçare.
Ish-portieri i Milanit, i cili luajti me kuqezinjtë nga viti 2005 deri në 2009, ka zbritur në fushë ditën e diel me skuadrën nga divizioni i shtatë në Kroaci, Tompojevci, për t’i ardhur në ndihmë këtyre të fundit, teksa është bllokuar në Kroaci nga Koronavirusi.
Kalaç u aktivizua në portën për Tompojevcin, në miqësoren ndaj skuadrës tjetër kroate të Tovarnik. 48-vjeçari ka luajtur për 45 minuta në ndeshje, teksa në pjesën e dytë u largua, me ekipin që më pas pësoi 4 gola, ndërkohë që pjesa e parë ishte mbyllur 1-1.