Jorge Mendes është një ndër agjentët më të njohur dhe më të fortë në Botën e futbollit. Agjenti ka klientë disa prej lojtarëve më të mirë në Botë, duke nisur normalisht me Cristiano Ronaldon.
Nën menaxhimin e Mendes janë edhe lojtarë të tjerë si Ruben Dias, Cancelo, Di Maria apo edhe Bernardo Silva e portieri Ederson. Së fundmi, Mendes ka edhe disa talente nën menaxhim, siç është Ansu Fati.
Talenti i Barcelonës ka si agjent pikërisht Jorge Mendes dhe tashmë përveç Fati, portugezi do të ketë në menaxhim edhe një tjetër talent shumë premtues të Barcelonës. Bëhet fjalë për Alejandro Balde, i cili ka firmosur me menaxherin e njohur. Është vërtet lajm ky fakt, pasi Mendes nuk është se ka patur edhe shumë lojtarë te Barcelona dhe tashmë po merr fuqi edhe te katalanasit, me dy talente që premtojnë shumë.